لاہور (سپورٹس رپورٹر) ملک میں آج بدھ کو عام انتخابات کے موقع پر مختلف مقامات پر مون سون بارش کا سلسلہ جاری رہے گا، محکمہ موسمیات کے مطابق آج بدھ کے روز بالائی پنجاب (راولپنڈی، گوجرانوالہ، لاہور، سرگودھا ڈویژن)، اسلام آباد، مالاکنڈ، ہزارہ، پشاور، کوہاٹ، مردان ڈویژن اور کشمیر میں کہیں کہیں جبکہ بنوں، ڈی آئی خان، ڈی جی خان، ژوب ڈویژن اور گلگت بلتستان میں چند مقامات پر تیز ہوائوں اور گرج چمک کیساتھ مزید بارش کا امکان ہے جبکہ ملک کے دیگر علاقوں میں موسم گرم اور مرطوب رہیگا۔ گذشتہ 24 گھنٹوں کے دوران راولپنڈی، گوجرانوالہ، لاہور، سرگودھا، بہاولپور، مالاکنڈ، ہزارہ ڈویژن اسلام آباد، گلگت بلتستان اور کشمیر میں کہیں کہیں جبکہ پشاور، کوئٹہ اور سبی ڈویژن میں چند مقامات پر تیز ہوائوں اور گرج چمک کیساتھ بارش ہوئی۔