اسلام آباد (صباح نیوز) اسلام آباد کے بعض پولنگ سٹیشنوں میں موبائل فونز استعمال ہوتے رہے، ان میں وی آئی پی افراد بھی شامل تھے۔ ان وی آئی پی افراد کے سٹاف میں شامل افراد موبائل فون سے تصاویر بناتے رہے جبکہ بعض پولنگ سٹیشنوں پر سوشل میڈیا کے کارکنوں کو بھی متحرک پایا گیا۔ بعض جگہوں پر شہری سیلفیاں بناتے نظر آئے۔ خواتین کے پولنگ سٹیشنوں میں بھی بعض جگہوں پر خواتین ووٹ ڈالتے ہوئے موبائل فون سے اپنی تصاویر بنواتی رہیں۔