آصف زرداری سے رہنمائی لئے بغیر عمران خان کیلئے حکومت بنانا مشکل ہوگا: اشرف بھٹی
لاہور(خبر نگار)پیپلزپارٹی لاہورکے سینئر نائب صدر محمد اشرف بھٹی نے آصف علی زرداری کی سالگرہ کی تقریب منعقد کی۔سالگرہ تقریب میں عزیزالرحمان چن سمیت کارکنوں کی بڑی تعداد شریک تھی۔ اس موقع پرخطاب کرتے ہوئے محمد اشرف بھٹی نے کہا کہ آج آصف علی زرداری کی دانش مندانہ پالیسیوں کیوجہ سے ملک میں جمہوریت کا تسلسل آگے بڑھ رہا ہے، ملک کی بدقسمتی ہوگی اگرعمران خان وزیراعظم بنیں گے انہیں چاہیے کہ وہ اگروزیراعظم بنتے ہیں توانہیں آصف زرداری سے رابطہ کرنا چاہیے ان کی رہنمائی اور تعاون کے بغیر عمران خان کیلئے حکومت بنانا مشکل ہوگا۔
