رانا مبشر کی بھرپور مہم کے سبب مسلم لیگ ن نے 6 نشستیں جیتیں
کاہنہ(نامہ نگار) شہباز شریف ، رانا مبشر اقبال ، اختر بادشاہ کی کامیابی پر علاقہ میں جشن کا سماں مسلم لیگ ن کے ایم این اے رانا مبشر اقبال نے قیادت کی طرف سے دی گئی ذمہ داریوں کو بھر پور طریقے سے ادا کر کے اور 6سیٹوں پر کامیابی حاصل کر کے یہ ثابت کر دیا ہے کہ وہ کہیں سے بھی کامیابی حاصل کر سکتے ہیں اور وہ اس الیکشن میں ایک طاقتور سیاستدان کے طور پر سامنے آئے ہیں۔ تفصیلات کے مطابق مسلم لیگ ن کے کامیاب امیدوار رانا مبشر اقبال نے اپنی قومی اسمبلی کی سیٹ کے علاوہ اپنے ساتھ صوبائی اسمبلی کی سیٹوں کے ساتھ ساتھ پارٹی کی طرف سے شہباز شریف کی قومی اور صوبائی سیٹوں کی بھی ذمہ داری دی گئی تھی جس کو انہوں نے بھر پور طریقے سے ادا کیا اور تمام سیٹوں پر کامیابی حاصل کی تحریک انصاف کے امیدوار انتخابی مہم کے دوران کہہ رہے تھے کہ ہم ایک بھی پولنگ نہیں جیتنے دیں گے۔
