لاہور (سپورٹس ڈیسک) ایشین کلب والی بال چیمپیئن شپ کل سے برما، میانمار میں شروع ہوگی۔ پاکستان والی بال فیڈریشن کے ترجمان علی اکبر شاہ نے بتایا کہ ایشین کلب والی بال چیمپیئن شپ میں پاکستان سمیت 18 سے زائد ممالک کی ٹیمیں حصہ لیں گی یہچیمپئن شپ 6 اگست تک جاری رہے گی، 12 رکنی قومی ٹیم کی قیادت محب رسول کریں گے، دیگر کھلاڑیوں محمد ادریس، شیراز، دلاور خان، مبشر رضا، منیر احمد، وسیم خان، محمد آصف، کاشف، ناصر لبرو، فہد رضا اور امل خان شامل ہیں جبکہ ٹیم کے ہمراہ کوچنگ کے فرائض کوچز مظہر حسین گوجر اور محمد اظہر انجام دیں گے،انہوں نے کہا کہ کیمپ کے دوران ان کھلاڑیوں کو چار قومی کوچز نے تربیت دی جن میں مظہر حسین گوجر، محمد اظہر، محمد شہباز اور محمد اکرم شامل تھے۔