پاکپتن: آئل ٹینکر کی ٹکر، موٹر سائیکل سوار ماں بیٹی جاں بحق، 4افراد زخمی
پاکپتن(نامہ نگار+ نمائندہ نوائے وقت) دو موٹر سائیکلوں اور آئل ٹینکر کے تصادم میں ماں بیٹی جاں بحق جبکہ چار افراد زخمی ہو گئے۔ بورے والا روڑ پر محمد احمد ،نعیم محمود اور محمدعباس ایک موٹرسائیکل پر جبکہ محمد امین اپنی بیوی صغراں بی بی اور بیٹی ثوبیہ بی بی کے ہمراہ الگ موٹرسائیکل پر جارہا تھا کہ گائوں 146/EB کے قریب امین کی موٹرسائیکل سامنے سے آتی ہوئی موٹرسائیکل اور آئل ٹینکر کے درمیان تصادم ہو گیا جس کے دوران صغراں بی بی اور اسکی بیٹی ثوبیہ بی بی موقع پر ہی جاں بحق ہو گئے۔
