گوجرانوالہ (نمائندہ خصوصی) گوجرانوالہ میں چپس چھیننے پر دوست نے دوست کی جان لے لی، چھڑانے کی کوشش پر دوسرا دوست زخمی ہو گیا۔ پولیس نے ملزم چاند سمیت دو افراد کو گرفتار کر لیا۔ کوہلو والا میں معمولی تلخ کلامی پر دو دوستوں میں جھگڑا ہو گیا۔ جھگڑے کے دوران چاند نامی نوجوان نے تیز دھار آلے سے اپنے دوست ثقلین کو قتل کر دیا جبکہ چھڑانے کی کوشش میں سہیل نامی دوسرا دوست زخمی ہو گیا۔ پولیس نے ملزم چاند سمیت دو افراد کو گرفتار کر لیا۔ پولیس کے مطابق چاروں آپس میں دوست ہیں۔ ملزم نے مقتول سے چپس چھینی تو اس نے گالی دیدی جس پر تلخ کلامی کی بعد جھگڑا شروع ہو گیا۔ مزید تحقیقات جاری ہیں۔ ادھر ذرائع سے یہ بھی معلوم ہوا ہے کہ مقتول اور ملزم کے درمیان 12 ہزار روپے کمیٹی کا تنازعہ بھی چل رہا تھا۔
دوست قتل