فیروز والا: چوری، ڈکیتی کی وارداتوں میں شہری مال و زر سے محروم
فیروزوالا (نامہ نگار) لاہورروڈ کی آبادی کوٹ عبدالمالک کے قریب ڈاکوئوں نے گن پوائنٹ پر نوجوان محمد قاسم سے موٹر سائیکل نقدی چھین لی۔ بوٹا پارک میں ڈاکوئوں نے دکان میں گھس کر اس کے مالک کو جان سے مار دینے کی دھمکی دے کر نقدی اور موبائل چھین کر لے گئے۔ نامعلوم افراد نے اصغر علی کو دھمکی دے کر موٹر سائیکل چھین لی۔ ڈاکوئوں نے کاشف کے گھر میں داخل ہوکر اہل خانہ کو یرغمال بناکر نقدی، زیورات و دیگر سامان لوٹ لیا۔ کوٹ عبدالمالک میں گھر میںگھس کر اہل خانہ کو کمرے میں بند کرکے لوٹ مار کرنے کے بعد فرار ہوگئے۔
