رائے ونڈ (نامہ نگار) پانچ نامعلوم کار سوار چوروں نے علی الصبح بیکری اور میڈیکل سٹور لوٹ لیا اور فرار ہوگئے اور جاتے ہوئے سی سی ٹی وی ریکارڈنگ آلات بھی اتار کرلے گئے مگر سامنے پلازہ کے کیمرہ نے تمام واقعہ محفوظ کر لیا۔ چوکیدار واردات کے وقت سامنے پلازہ میں بیٹھا رہا ، صفائی کرنے والی عورت نے شک پڑنے پر چوروں سے پوچھا کہ وہ دکان میں گھس کر کیا کررہے ہیں تو چوروں نے اس کو اسلحہ کی نوک پر خاموش کروادیا ،چوری کی واردات کے دوران راہگیر گزرتے رہے لیکن کسی کو شک نہ پڑا، اطلاع ملنے پر پولیس موقع پر آئی، بعد ازاں دکانداروں نے واردات پر علامتی ہڑتال کرکے احتجاج کیا تو پولیس نے تاجروں کے وفد کی موجودگی میں مقدمہ درج کرلیا۔