عمران خان کے آنے سے قومی کھیل ہاکی کی بحالی کا خواب شرمندہ تعبیر ہو گا : نوید عالم
شیخوپورہ(نمائندہ خصوصی)پاکستان ہاکی فیڈریشن کے ڈائریکٹر ڈومیسٹک ہاکی اینڈ ڈویلپمنٹ پروگرام اولمپئن نوید عالم نے پی ٹی آئی کی کامیابی اور عمران خان کے ممکنہ وزیراعظم بننے کو پاکستان ہاکی ودیگر کھیلوں کیلئے نیک شگون اور ٹھنڈی ہوا کا جھونکا قرار دیتے ہوئے کہا ہے کہ عمران خان کے آنے سے ملکی اداروں کیساتھ ساتھ کھیلوں کے میدان میں بھی میرٹ پر سربراہان کی تعیناتیوں اور کھیلوںکے فروغ ،کھلاڑیوں کی مراعات میں اضافہ میں بڑی مدد ملے گی۔ بالخصوص قومی کھیل ہاکی کی عظمت رفتہ کی بحالی کا خواب شرمندہ تعبیر ہوگا۔ کرکٹ ہاکی سمیت دیگر کھیلوں میں پاکستان اپنا کھویا ہوا مقام حاصل کریگا۔ ماضی کی حکومتوں میں ہاکی سمیت کھیلوں کے فروغ اور ان کو درپیش مسائل کے حل کیلئے کوئی قابل ذکر اقدامات نہ اٹھائے گئے ۔
