قصور (نمائندہ نوائے وقت ) سٹی چونیاں کے علاقہ ظہیرآباد میں کئی روز سے ٹرانسفارمر خراب ہونے سے بجلی بحال نہ ہوسکی چھانگا مانگا روڈ ٹائر جلا کر بلاک کرکے لیسکوکے خلاف بھر پور احتجا ج کیا ان کا کہنا تھا کہ کئی روز سے ٹرانسفارمر خراب ہے اور اس سلسلے میںلیسکوحکام سے بھی رابطہ کیا تاہم بجلی تاحال بحال نہ ہوسکی ان کا کہنا تھا کہ بجلی بحال ہونے تک احتجاج جارہی رہے گا جس پر پولیس تھانہ سٹی چونیاں کے ایس ایچ او نے ان سے مزاکرات کرکے ان کو یقین دہانی کرا دی جس پر احتجاجی پرامن طور پر منتشر ہوگئے ۔جبکہ علاقہ بستی قادرآباد گلی نمبر30پر لگا ٹرانسفارمر ناکارہ ہو چکا ہے جس کی وجہ سے بجلی کی فراہمی برقرار رکھنا مشکل ہو گیا ہے اور روزانہ جمپر خراب ہو جاتا ہے جس کی وجہ سے تقریبا30فیصد علاقہ بجلی سے محروم ہو جاتا ہے اور روزانہ شکایت درج کروائی جاتی ہے جس کے بعد کئی گھنٹے گزرنے کے بعدعملہ جمپر ٹھیک کرنر کے لیے آتا ہے جس کی وجہ سے لوگوں کو شدید مشکلات کا سامنا کرنا پڑتاہے لیسکو کی طرف سے کہنا ہے کہ لوڈ زیادہ ہونے کی وجہ سے جمپر ڈھیلا ہو جاتا ہے لوگوں نے احتجاج کیااور ایس ای اور ایکسین لیسکوسے فوری نوٹس کا مطالبہ کرتے ہوئے کہا کہ زیادہ واٹ کا ٹرانسفارمر رکھا جائے تاکہ بجلی کی بندش سے چھٹکاڑا حاصل ہو سکے۔