خانقاہ ڈوگراں(نامہ نگا ر) سنیئر لیگی راہنماء سردار نفیس ڈوگر نے کہا کہ تاریخی لیڈسے جیتنے والے مسلم لیگی نمائندوں کا استقبال بھی تاریخی کیا جائے گا۔ تکبر اور منفی سوچ کی سیاست کرنے والے اپنے انجام کو پہنچ چکے ہیں جس طرح حلقہ کے لوگوں نے مسلم لیگ کے سردار عرفان ڈوگر اور سجاد حیدر گجر کو ووٹ اور سپورٹ کیا ہے اس سے ثابت ہو گیا کہ ہے کہ آج بھی شیخوپورہ مسلم لیگ (ن) کا مضبوط قلعہ ہے۔ ہم اہل حلقہ کے مشکور ہیں کہ انھوںنے ہم پر اعتماد کیا ان کے دیئے گئے اعتماد پر ہر صورت پورا اتریں گے۔