لاہور( سپورٹس رپورٹر+نمائندہ سپورٹس)قومی کرکٹ ٹیم کے سابق کپتان وسیم باری نے کہا ہے کہ عمران خان کے وزیر اعظم بننے سے پاکستان‘ بھارت کرکٹ تعلقات بہتر ہوں گے۔ عمران خان کے وزیر اعظم بننے سے پاکستان‘ بھارت کرکٹ تعلقات میں بہتری کی امید ہے۔ انہوں نے عمران خان کے لئے نیک خواہشات کا اظہار کرتے ہوئے ان کے بھارتی کرکٹرز اور شوبز دوستوں کو حلف وفاداری میں مدعو کرنے کے فیصلے کو سراہا ہے۔ سابق چیف سلیکٹر نے کہا کہ بھارت سمیت دنیا بھر میں عمران خان کو بہت پسند کیا جاتا ہے۔ ہمسایہ ملک سے ان کے دوستوں کی آمد سے ایک مثبت پیغام جائے گا۔ عمران خان ایک ایسی شخصیت ہیں۔ جن کی خود اعتمادی اور بہادری کے سب قائل ہیں۔ خان صاحب نے کرکٹ کے میدان میں خود کو جس طرح منوایا ہے۔ یقین ہے کہ سیاست میں بھی ملک کی خدمت کرکے عوام نے جس اعتماد کا اظہار کیا ہے، اس پر پورا اتریں گے۔