لاہور(سپورٹس رپورٹر+نمائندہ سپورٹس )دسویں قومی رینکنگ سنوکر چیمپئن شپ کل سے کراچی میں کھیلی جائے گی،اسجد اقبال اپنے اعزازکا دفاع کریں گے۔پاکستان بلیئرڈ اینڈ سنوکرایسوسی ایشن کے تحت منعقد ہونے والی چیمپئن شپ 5سے 13اگست کو کھیلی جائے گی۔ایک لاکھ 85 ہزار روپے انعامی رقم کی چیمپئن شپ میں معروف انٹرنیشنل کیوئسٹ اسجد اقبال اپنے اعزاز کا دفاع کریں گے۔میڈیا بریفننگ میں پی بی ایس اے کے چیئرمین عالمگیر شیخ، صدرمنور شیخ، اور این بی پی شعبہ کھیل کے سربراہ و سابق ٹیسٹ کرکٹ اقبال قاسم سمیت دیگر بھی موجود تھے۔قومی ایونٹس کے مقابلوں میں کارکردگی کی بنیاد پر رینکنگ پانے والے ملک بھر کے بہترین 40کھلاڑیوں کوچیمپئن شپ میں مدعو کیا گیا ہے۔