اسلام آباد(صباح نیوز) اینٹی نارکوٹکس فورس نے ایک غیر ملکی سمیت 2ہیروئن سمگلروں کو گرفتار کرلیا ۔اسلام آباد ایئرپورٹ پر کارروائی کرتے ہوئے اے این ایف نے نائیجیرین شہری ایبنزر ایفینی کو گرفتارکیا جس نے ہیروئن سے بھرے کیپسول نگل رکھے تھے۔ ملزم نجی ایئرلائن کی پرواز ٹی کے 711-سے ترکی جارہا تھا۔ ایک دوسری کارروائی میں شاہد وزیرنامی مسافر کو گرفتار کیا۔گرفتار کیے گئے ملزم نے ابتدائی تفتیش میں ہیروئن سے بھرے 80کیپسول نگلنے کا اعتراف کیا ہے شاہد وزیر نامی مسافر دوحا جارہا تھا۔ اے این ایف حکام نے ملزموں کو مزید تفتیش کے لیے سیل منتقل کردیا ۔