نوشہرو فیروز(آئی این پی) نوشہرو فیروز میں ٹرالر اور کوچ میں تصادم ہوا ہے جس کے نتیجے میں دو افراد جاں بحق اور پانچ زخمی ہو گئے ہیں۔ تفصیلات کے مطابق نوشہرو فیروز میں کنڈیارو کے مقام پر مسافر کوچ اور ٹرالر کے درمیان تصادم کے باعث خاتون سمیت دو افراد جاں بحق جبکہ پانچ افراد زخمی ہو گئے ہیں۔ واقعے کے بعد ریسکیو ٹیموں نے جائے وقوع پر پہنچ کر امدادی کاموں کا آ غاز کیا۔ ریسکیو اہلکاروں نے نعشوں اور زخمیوں کو کنڈیارو ہسپتال منتقل کیا۔ ریسکیو کے مطابق مرنے والوں میں کوچ کا ڈرائیور محمد اسلم بھی شامل ہے۔ مسافر کوچ کراچی سے رحم یار خان جا رہی تھی۔