لاہور(سپورٹس ڈیسک) سابق فٹ بالر جواین سباستین ویرن نے کہا ہے کہ ارجنٹائن فٹ بال ٹیم لیونل میسی پر مکمل انحصار کرنا ختم کرے ۔ مستقبل میں ورلڈ کپ کیلئے ایسی ٹیم تیار کی جائے جو شکوک سے ہٹ کر کارکردگی کا مظاہرہ کرے ۔ موجودہ ٹیم کے کئی شعبوں میں خامیاں ہیں ۔ میسی روس میں ہونے والے ورلڈکپ میں تاثر چھوڑنے میں ناکام رہے ہیں ۔ ورلڈکپ سے خارج ہونے کے بعد سے اب تک مستقبل کے حوالے سے کوئی حکمت عملی تیار نہیں کی جارہی ہے ۔ یہ وقت ہے کہ ٹیم کو تیار کیا جائے ۔ میسی کے بغیر آگے نہیں بڑھ سکتے مگر دوسرے کھلاڑی بھی تیار کئے جائیں ۔ ایک بار بنیاد رکھ دی گئی تو کوئی کھلاڑی تو تیار ہوجائے گا جو مستقبل میں ارجنٹائن کو بچا سکے گا۔۔ صرف کوچ سے کام نہیں بنے گا ٹیم کو ٹھوس بنیادوں پر آگے لانا ہوگا۔