لاہور (نوائے وقت رپورٹ) عمران خان کی اہلیہ بشریٰ بی بی کے سابق شوہر میاں خاور فرید مانیکا نے تیسری شادی کر لی۔ نجی ٹی وی کے مطابق شادی کی تقریب لاہور کے میرج ہال میں ہوئی جس میں قریبی عزیز و اقارب اور دوستوں نے شرکت کی۔ اس سے قبل خاور مانیکا کی اداکارہ نور بخاری سے شادی کی خبریں میڈیا کی زینت بنی تھیں تاہم نور بخاری نے سختی سے تردید کرتے ہوئے کہا کہ ان باتوں میں صداقت نہیں۔ خاور مانیکا میرے والد کی عمر کے ہیں۔ نجی ٹی وی کے مطابق خاور مانیکا نے سمیرا آغا سے تیسری شادی کی ہے۔ نکاح کی تقریب میں خاور مانیکا کے بیٹے اور بیٹیوں نے بھی شرکت کی۔ خاور مانیکا کے دوست لطیف خان نے نکاح کی تصدیق کر دی جبکہ خاور مانیکا کا کہنا ہے کہ مبارکباد کی امید کرتے ہیں۔ خاور مانیکا نے دس ماہ قبل بشریٰ مانیکا کو طلاق دیدی تھی۔
خاور مانیکا