شرقپور، اوکاڑہ: ٹریفک حادثات، موٹر سائیکل میاں، بیوی اور بچہ جاں بحق
شرقپور شریف+ اوکاڑہ (نامہ نگاران) شرقپور شریف شیخوپورہ روڈ مڑھ بھنگواں کے قریب تیزرفتار ٹرک نے موٹرسائیکل پر سوار میاں بیوی کو کچل دیا۔ جڑانوالہ کا ساجد علی اپنی بیوی کے ہمراہ موٹر سائیکل نمبری 6682LBL پر میکے سے شرقپور آرہے تھے جب وہ مڑھ بھنگواں کے قریب پہنچے تو سامنے سے آنے والے تیزرفتار ٹرک نے ساجد علی اور اسکی بیوی رضیہ بی بی کو کچل ڈالا اور وہ موقع پر ہلاک ہوگئے۔ علاوہ ازیں اوکاڑہ میںکار اور موٹر سائیکل کے تصادم میں میاں بیوی، بچے سمیت جاں بحق ہو گئے۔ فتح پور شریف اوکاڑہ کا محمد نواز اپنی بیوی شریفاں بی بی اور 4سالہ بیٹے دلاور کے ہمراہ موٹر سائیکل پر اوکاڑہ دیپالپور روڈ اپنے عزیزوں کو ملنے کے لئے جا رہاتھا، جب وہ 31کلاسن کے قریب پہنچاتو مخالف سمت سے آنے والی تیز رفتار کار کی زد میں آگئی۔
