لاہور (نوائے وقت رپورٹ) مسلم لیگ ن کے رہنما خواجہ سعد رفیق نے کہا ہے کہ عمران خان نے سیاست میں نفرت کے بیج بوئے۔ وہ کہتے ہیں ان کے لوگ فرشتے ہیں ایم کیو ایم کو برا بھلا کہتے ہرے اور حکومت بنانے کیلئے انہیں ساتھ ملا لیا۔ ایک تقریب سے خطاب کرتے ہوئے انہوں نے کہا کہ عمران خان بہت بڑے جھوٹے اور بہت لمبی چھوڑتے ہیں، لڑائی ختم نہیں ہوئی، لڑائی جاری رہے گی لیکن پی ٹی آئی کی طرح نہیں بھرپور اپوزیشن ہوگی لیکن پاکستان کو کوئی نقصان نہیں ہونے دیں گے۔ ہم الیکشن ٹربیونل میں جائیں گے اور تھیلے کھلوائیں گے۔ آپ ووٹ چور ہیں لوگوں پر الزام لگاتے تھے آج آپ نے خود وہی کیا ہے اس بار لڑیں گے تو پہلے جیسی غلطی نہیں ہونے دیں گے۔ عمران خان جھوٹے وزیراعظم کے طور پر حلف نہ اٹھائیں، 2013ء میں میری 40 ہزار ووٹوں کی لیڈ تھی مخالفین 5 سال اس کا رونا روتے رہے۔ اب دوبارہ اس حلقے سے ایک ارب پتی کو ٹکٹ دینے کا فیصلہ کیا جارہا ہے۔