لاہور(کلچرل رپورٹر)لاہورآرٹس کونسل کے چیئرمین اورسینئراداکارتوقیرناصرنے کہاہے کہ پاکستان کے حصول کا بیانیہ ہماری ثقافت کی بنیاد ہے۔ادب و ثقافت کافروغ اپنی شناخت اور وقارکو قائم رکھنے کی جستجو کا نام ہے۔ آج اگر ہمارے ہاں ادبی و ثقافتی اقدار کا دور دورہ ہے تو اس کی وجہ الحمرا آرٹس کونسل کا ایسی پالیسیزاختیار کرنا ہے جن سے فن اور فنکار کوعزت ملے۔وہ جشن آزادی تقریب کی تیاریوں کا جائزہ لینے کے حوالے سے خطاب کر رہے تھے۔