ا سلام آباد (آن لائن) حج 2018 ء کے سلسلے میں اب تک 1 لاکھ 35 ہزار 834 پاکستان عازمینِ حج سعودی عرب پہنچ گئے ہیں۔ سرکاری سکیم کے تحت 93 ہزار 613عازمین حج مکہ مکرمہ پہنچے ہیں جبکہ نجی سکیم کے تحت 42 ہزار 221 عازمینِ حج سعودی عرب پہنچے ہیں۔ جاری تفصیلات کے مطابق مقامی اور پاکستان سے آئے ہوئے 1859 معاونین عازمین کی رہنمائی کر رہے ہیں۔ 1597 عازمین کا گم شدہ سامان ڈھونڈ کر ان کے حوالے کر دیا گیا ہے۔راستہ بھولنے والے 212عازمین حج کو ان کی رہائش گاہ تک پہنچایا گیا۔ حرم گائیڈز نے حرم میں 2509عازمین کی رہنمائی کی۔ 252 نجی حج کمپنیوں کی مانیٹرنگ مکمل ہو چکی ہے۔ ایک عازم حج ٹریفک حادثے جبکہ 12 عازمین کی طبعی اموات ہوئیں۔ عازمینِ حج کو مدینہ منورہ کے جنت البقیع اور مکہ کے شرائع قبرستان میں سپرد خاک کیا گیا ہے۔