ونیکے تارڑ( نامہ نگار)حافظ آباد کے نواحی گائوں رام گڑھ کے قریب تیز رفتار کیری ڈبہ کی ٹکر سے باپ، بیٹا جاں بحق جبکہ ایک شخص شدید زخمی ہوگیا۔ جھاریانوالہ حافظ آباد کا مستری عبدالرشید اپنے بیٹے علیم اور ایک ساتھی ناصر کے ہمراہ موٹر سائیکل پر گوجرانوالہ روڈ پر جارہے تھے کہ مخالف سمت سے آنے والے تیز رفتار کیری ڈبہ نے ٹکر دے ماری جس کے نتیجہ میں عبدالرشید اور اسکا بیٹا علیم جاں بحق جبکہ ناصر شدید ذخمی ہوگیا۔ کیری ڈبہ کا ڈرائیور موقع سے فرار ہوگیا۔ باپ ، بیٹا کی نعشیں جھاریانوالہ میں پہنچیں تو کہرام برپا ہوگیا۔