سرگودھا (نامہ نگار) حلقہ پی پی76 میں دوبارہ گنتی کا عمل مکمل ہوگیا‘ پی ٹی آئی کے نامزد امیدوار چوہدری فیصل فاروق چیمہ7ہزار8ووٹوں کی لیڈ سے کامیاب‘ حلقہ پی پی76 کی دوبارہ گنتی مسلم لیگ ن کے ناکام امیدوار کامل شمیل گجر کی رٹ پر کی گئی‘ کامل شمیل گجر نے ہائیکورٹ میں رٹ کرتے دوبارہ گنتی کی استدعا کی تھی ہائیکورٹ کے حکم پر ریٹرننگ آفیسر نے گنتی دوبارہ شروع کی‘ گنتی کا عمل9 اگست کو شروع ہو کر 11 اگست کی رات تک جاری رہا جس میں چوہدری فیصل فاروق چیمہ کو سات ہزار 8 ووٹوں کی برتری حاصل ہے۔ دوبارہ گنتی میں چوہدری فیصل فاروق چیمہ نے 59919 ووٹ جبکہ ان کے مدمقابل مسلم لیگ ن کے کامل شمیل گجر نے 52911 ووٹ حاصل کئے ہیں۔ ریٹرننگ آفیسر کی طرف سے 26 جولائی کو جاری فارم49 حتمی رزلٹ کے مطابق چوہدری فیصل فاروق چیمہ نے60565 مسلم لیگ ن کے امیدوار کامل شمیل گجر نے53421 ووٹ حاصل کئے تھے۔