حافظ آباد (نمائندہ نوائے وقت) ڈسٹرکٹ گورنمنٹ حافظ آباد اور محکمہ سپورٹس پنجاب کے زیر اہتمام جشن آزادی سپورٹس فیسٹیول کے سلسلہ میں کھیلے جانے والا والی بال میچ حافظ آباد وائٹ نے گرین ٹیم کو شکست دیکر جیت لیا۔جشن آزادی کے سلسلہ میں حافظ آباد وائٹ اور حافظ آباد گرین کے مابین والی بال میچ کولو تارڑ میں کھیلا گیا۔ڈسٹرکٹ سپورٹس آفیسر ماجد حسین اور انٹر نیشنل کھلاڑی حامد ناصر میچ کے مہمان خصوصی تھے ۔جشن آزادی میچ میں حافظ آباد وائٹ نے حافظ آباد گرین کو شکست دے دی۔میچ کے اختتام پر کھلاڑیوں میں انعامات بھی تقسیم کیے گئے ۔