لاہور (خصوصی رپورٹر) پنجاب کے صوبائی دارالحکومت لاہور میں ایک مرتبہ پھر پی ٹی آئی اور مسلم لیگ ن میں ٹاکرا ہوگا۔ عمران خان اور حمزہ شہبازشریف کی قومی اسمبلی کی خالی کردہ نشستوں سمیت میاں شہبازشریف کی خالی کردہ پنجاب اسمبلی کی دو نشستوں پر الیکشن کمشن نے 60 دن میں ضمنی الیکشن کرانا ہیں۔ لاہور سمیت ملک کے دیگر حصوں سے خالی ہونے والی نشستیں اور جن پر بوجوہ ایلکشن نہیں ہوسکے تھے ان تمام قومی اسمبلی کی نشستوں کی تعداد 9 اور صوبائی اسمبلیوں کی نشستوں کی تعداد 14 ہے۔ الیکشن کمشن کے ذرائع کے مطابق ان تمام نشستوں پر 60 دن میں الیکشن کرایا جانا ضروری ہے۔ سو ستمبر یا اکتوبر میں ان نشستوںپ ر ملک کی اہم سیاسی جماعتوں کے امیدواروں کے درمیان ایک مرتبہ پھر کانٹے دار مقابلے ہوں گے۔