پنجاب نیشنل سینئر سکواش ٹورنامنٹ کا مین رائونڈ آج سے شروع ہوگا
لاہور (سپورٹس رپورٹر+نمائندہ سپورٹس ) پنجاب سکواش ایسوسی ایشن کے زیراہتمام جشن آزادی کے موقع پر تیسرا پنجاب نیشنل سینئر سکواش ٹورنامنٹ کا مین رائونڈ آج سے شروع ہوگا۔ گذشتہ روز تیسرے کوالیفائنگ رائونڈ کے چار باقی میچز کھیلے گئے۔ پہلے میچ میں رئیس خان نے مجاہد حسین کو، صدام الحق نے معین رئوف کو، عباس شوکت نے حارث قاسم کو جبکہ آخری میچ میں عزیر رشید نے محمد سمیع اللہ کو ہرا کر مین رائونڈ کیلئے کوالیفائی کر لیا۔
