لاہور (سپورٹس ڈیسک )گزشتہ سیزن میں بہترین گول کرنے والے گیارہ کھلاڑیوں کو شارٹ لسٹ کیا گیا ہے۔سٹار فٹبالر کرسٹیانو رونالڈو کی یوئیفا گول آف دی سیزن ایوارڈ کیلئے نامزدگی ہو گئی ہے لیکن حیران کن طور پر یوئیفا چیمپئنز لیگ کے فائنل میں ریال میڈرڈ کی جانب سے شاندار گول سکور کرنے والے گاریٹھ بیل کو نظر انداز کردیا گیا ہے۔
ایوارڈ کیلئے گزشتہ سیزن میں بہترین گول کرنے والے 11 کھلاڑیوں کو شارٹ لسٹ کیا گیا ہے جن میں ڈنمارک کے کرسچیان ایرکسن اور فرانس کے کھلاڑی ڈیمٹری پائیٹ بھی شامل ہیں۔واضح رہے کہ پرتگالی فٹبالر کرسٹیانو رونالڈو کو یووینٹس کیخلاف بائیسکل کک والے یادگار گول کی وجہ سے فہرست میں شامل کیا گیا ہے۔