لاہور( سپورٹس رپورٹر+نمائندہ سپورٹس) پنجاب باکسنگ ایسوسی ایشین دفتر میں لیجنڈری استاد یوسف بٹ کے تیسرے ا یوم شہادت پر تقریب کا اہتمام کیا گیا اور قرآن خوانی کی گئی۔ برسی کی اس تقریب میں حفاظ کرام و قرا حضرات سمیت پنجاب باکسنگ ایسوسی ایشن کے سیکرٹری فنانس طارق گجر کے علاوہ عہدیداروں نے شرکت کی۔ ایشین گیمز میں شرکت کے لیے انڈونیشیا کے شہر جکارتہ جانے والےوالے سیکرٹری پاکستان اولمپک ایسوسی ایشن حاجی خالد محمود اور منیجر باکسنگ ٹیم شرجیل ضیا بٹ نے تعزیتی پیغام بھیجے۔شرکا ءنے استاد یوسف کی باکسنگ خدمات پر روشنی ڈالی اور کہا کہ یوم آزادی ہی کے روز ہی زندگی کی بازی ہارنے والے استاد یوسف باکسنگ کے اچھے کوچ اور منتظم ہی نہیں بارعب اور پ±رکشش شخصیت کے بھی مالک تھے جن کی وفاو¿ں اور خدمات کو ہمیشہ یاد رکھا جائے گا۔