میرانشاہ+ داﺅد خیل+ میانوالی (آئی این پی+ نامہ نگاران) شمالی وزیرستان میں باروی سرنگ کے د ھماکے میں میانوالی کے علاقے نمل سے تعلق رکھنے والے حوالدار احمد خان شہید ہوگئے جبکہ تین اہلکار زخمی ہوگئے جنہیں ہسپتال منتقل کردیا گیا۔ پاک فوج کے ترجمان نے بتایاکہ بارودی سرنگ کا دھماکہ شمالی وزیرستان کے علاقے ڈن کلی میں اس وقت پیش آیا جب بم ڈسپوڑل ٹیم معمول کے مطابق سرچ اینڈ کلیئر آپریشن کر رہی تھی۔دھماکے سے شہید ہونے والے 38 سالہ حوالدار احمد خان جنگوال کے سوگواروں میں ایک بیوہ ، بیٹا اور دو بیٹیاں شامل ہیں۔احمد خان کی شہادت کی اطلاع ملنے پر مقامی لوگ میانوالی سکیسر روڈ پر ڈھوک علی خان سے آگے موجود آبادی ’ڈھوک جنگوال‘ پر ان کے آبائی گھر میں جمع ہونا شروع ہوگئے اور شہید کو فوجی اعزاز کے ساتھ سپردخاک کر دیا گیا ۔
میرانشاہ /دھماکہ