لاہور(خبر نگار)گورنمنٹ گرلز ماڈل ہائی سکول‘ شاہراہِ ایوانِ تجارت کی طالبات اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان‘ شاہراہِ قائداعظمؒ اور سٹی ڈسٹرکٹ گورنمنٹ گرلز ہائی سکول‘ملتان روڈکی طالبات اور اساتذۂ کرام نے ایوانِ قائداعظمؒ، -1شاہراہِ نظریۂ پاکستان‘ جوہر ٹائون کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹس نے عمران سکول سسٹم‘ رضوان بلاک اعوان ٹائون‘گورنمنٹ ہائی سکول‘ اعوان ٹائون‘ ملتان روڈ‘ گورنمنٹ بوائز پرائمری سکول‘ ڈھامکے تحصیل شرقپور اورگورنمنٹ گرلز مڈل سکول‘ ڈھامکے تحصیل شرقپور کا وزٹ کیا۔ ایوانِ کارکنانِ تحریکِ پاکستان‘ ایوانِ قائداعظمؒ اور مذکورہ بالا تعلیمی اداروں میں مستفید ہونے والے اساتذہ اور طلبہ کی مجموعی تعداد278تھی۔