راولپنڈی (اپنے سٹاف رپورٹر سے) اڈیالہ جیل میں قید ایبٹ آباد آپریشن کے مرکزی کردار ڈاکٹر شکیل آفریدی کو ساہیوال جیل منتقل کردیا گیا۔ ڈاکٹر شکیل آفریدی کومئی 2012 ء امریکی سی آئی اے کی اسامہ بن لادن کی مخبری کے الزام میں مجاز عدالت نے قید کی سزا سنائی تھی وہ اس سے قبل خیبر پختونخوا میں پشاور جیل میں قید تھے لیکن اپریل2018 ء میں شکیل آفریدی پشاور جیل سے اڈیالہ جیل منتقل کئے گئے تھے تاہم اتوار کی صبح انہیں سخت سیکیورٹی میں بذریعہ ہیلی کاپٹر اڈیالہ جیل سے ساہیوال جیل منتقل کردیا گیا اس سلسلے میں اڈیالہ جیل میں سخت سیکیورٹی انتظامات کئے گئے تھے۔
شکیل آفریدی منتقل