ساہےوال(نمائندہ نوائے وقت) پنجاب انٹر ڈویژن انڈر15 فٹ بال چیمپن شپ میں حصہ لینے والی ساہیوال ڈویژن کی ٹیم کے لئے ڈائریکٹر جنرل سپورٹس پنجاب عامر جان کی خصوصی ہدایات کی روشنی میں ایگل فٹ بال گراﺅنڈ ز میں ٹرائلز منعقد ہوئے اور ڈویژن بھر سے 110سے زائد کھلاڑی شریک ہوئے۔ٹرائل کمیٹی میں ڈپٹی ڈائریکٹر سپورٹس پنجاب شاہد نظامی ‘قومی سلیکٹر ممبر اصغر علی اور ڈویژنل سپورٹس آفیسر اکبر مراد چیئرمین تھے۔ابتدائی طورپر حمزہ نسیم ‘حسن علی ‘محمد شعیب ‘فراز منیر ‘عبدالقدوس ‘محمد حسیب ‘محمد عمران ‘وقاص ‘علی حیدر ‘علی حسین‘ ریحان فاروق ‘ عمار ساجد‘ محمد عثمان ‘اسدنصیر ‘شہروز ‘غلام حسین ‘میاں حمزہ ‘محمد سلمان شاہد ‘تحسین لقمان‘ عبدالرحمن ‘ثقلین منظور‘ محمد سلیمان ‘ارسلان ‘ابوبکر ‘علی حسن اور بحران علی پر مشتمل کھلاڑی چنے گئے۔ حتمی طورپر کیمپ کے باہر 16رکنی ٹیم کا اعلان کیاجائے گا۔یہ ٹیم لاہور میں منعقدہ پنجاب انٹر ڈویژن انڈر15 فٹ بال چیمپئن شپ میں ساہیوال ڈویژن کی نمائندگی کرے گی۔اس موقع پر گراﺅنڈ میںشائقین فٹ بال اور ویٹرن کھلاڑیوں کی کثیر تعداد موجود تھی ۔