نئی دہلی (نیٹ نیوز)بالی ووڈ کے معروف اداکار رشی کپور نے کہا ہے وہ عمران خان کی سوچ کی تعریف کرتے ہیں۔بھارتی اداکار رشی کپور نے ایک ٹی وی انٹرویو میں بتایا کہ وہ پاکستان کے نئے وزیراعظم عمران خان کی سوچ کی تعریف کرتے ہیں۔ انہوں نے مزید کہا کہ جب وہ امن کی بات کرتے ہیں تو لوگ ہمارے پیچھے پڑجاتے ہیں۔انٹرویو کے دوران رشی کپورنے پاکستان بھارت مذاکرات کامطالبہ بھی کردیا۔ ان کا کہنا تھا مذاکرات فوری شروع کیے جائیں، جب جزیرہ نما کوریا (شمالی کوریا اور جنوبی کوریا) آپس میں بات کرسکتے ہیں تو ہم کیوں نہیں کرسکتے؟رشی کپور نے مسئلہ کشمیر پر بات کرتے ہوئے کہا کہ مسئلہ کشمیرحل ہونا چاہئے جبکہ انہوں نے بھارتی حلقوں پرواضح کیا ہے کہ آپ اْن سے کشمیرنہیں لے سکتے۔