لاہور(سپورٹس ڈیسک) فرانسیسی خاتون ٹینس سٹار الیزرے کورنیٹ نے یوا یس اوپن کے میچ کے دوران کورٹ میں شرٹ اتار دی اور تبدیل کر کے دوبارہ پہن لی ۔ کسی بھی خاتون کھلاڑی کا میچ کے دوران شرٹ اتارنا ورلڈ ٹینس فیڈریشن کے قوانین کی خلاف ورزی ہے ۔ چیئر امپائر نے انہیں وارننگ دے کر چھوڑ دیا ‘ ڈبلیو ٹی اے فیصلے کو غلط قرار دیا ہے ۔ٹورنا منٹ انتظامیہ کے مطابق کھلاڑی کے ایسا کرنے پر انہیں شرمندگی ہوئی ہے ۔ امریکی فیڈریشن کے مطابق کھلاڑی کرسی پر بیٹھ کر شرٹ تبدیل کر سکتی ہیں جو قوانین کی خلاف ورزی نہیں ہے ۔