لاہور(سپورٹس رپورٹر+نمائندہ سپورٹس) استور میں راما پولو فیسٹیول دیامر کی ٹیم نے جیت لیا، شائقین نے رسہ کشی، جیپ ریلی اور نیزہ بازی کے مقابلوں کا بھی لطف اٹھایا۔ وزیراعلیٰ گلگت بلتستان حافظ حفیظ الرحمن نے کھلاڑیوں میں انعامات تقسیم کیے۔نانگا پربت کے دامن پر راما پولو فیسٹیول کے 3 روزہ مقابلوں کا اختتام، آخری روز دیامر کی پولو ٹیم نے استور کو شکست دے دی۔ فیسٹیول میں رسہ کشی کے مقابلے اور جیپ ریلی کا بھی انعقاد ہوا جسے شائقین نے خوب انجوائے کیا۔ ایونٹ میں کھلاڑیوں نے نیزہ بازی کے بھی خوب جوہر دکھائے۔ 3 روزہ راما پولو فیسٹول میں غیر ملکی سیاحوں نے بھی شرکت کی، اختتامی تقریب میں وزیراعلیٰ گلگت بلتستان حافظ حفیظ الرحمن نے فاتح کھلاڑیوں میں انعامات تقسیم کیے۔