لاہور (نامہ نگاران+ ایجنسیاں) لاہور سمیت فیصل آباد، اوکاڑہ، شیخوپورہ، ملتان، گوجرانوالہ، مرید کے، ساہیوال، حافظ آباد، ننکانہ، سانگلہ، کوٹ رادھا کشن، پنڈی بھٹیاں، منڈی بہاﺅ الدین، ٹوبہ ٹیک سنگھ، ملکوال، پھالیہ، وزیر آباد، بچیانہ، واربرٹن ‘لالہ موسیٰ اور دیگر شہروں میں ہفتے کی شام 5 بجکر 20 منٹ پر زلزلے کے شدید جھٹکے محسوس کئے گئے۔ پنجاب کے مختلف شہروں میں زلزلے کے شدید جھٹکے محسوس کئے گئے ہیں۔ زلزلے کی شدت اس قدر تھی کہ گھروں کی دیواروں اور کھڑکیوں سے آوازیں سنائی دینے لگیں، لوگ کلمہ طیبہ کا ورد کرتے ہوئے گھروں سے باہر نکل آئے تاہم ابھی تک کسی جانی یا مالی نقصان کی اطلاعات موصول نہیں ہوئیں۔ زلزلہ پیما مرکز کے مطابق ریکٹر سکیل پر زلزلے کی شدت 4.3 ریکارڈ کی گئی جبکہ زلزلے کا مرکز 30 کلومیٹر ننکانہ صاحب کے شمال میں تھا۔
زلزلے جھٹکے