سیالکوٹ(نامہ نگار)سیالکوٹ انٹرنیشنل ائیر پورٹ سیکورٹی فورس کی خاتون اہلکار کی گانے پر رقص کرنے کی ویڈیو سوشل میڈیا پر اپ لوڈ کیا جانا مہنگا پڑ گیا۔ ائیرپورٹ سیکورٹی فورس کی خاتون اہلکار ڈانس کرنے کی ویڈیو انٹرنیٹ پر وائرل ہوئی جس میں مبینہ طور پر ایئرپورٹ پرتعینات خاتون اہلکار گانے پر اپنی ویڈیو بنارہی تھی‘اے ایس ایف نیویڈیو انٹرنیٹ پر وائرل ہونے کے بعدمعاملے کا نوٹس لیتے خاتون کے خلاف تحقیقات کا آغاز کردیا ۔ اپنے ملازمین کے سوشل میڈیا استعمال پر پابندی لگا دی۔یاد رہے کہ رواں سال2018ء کے ماہ مارچ میں بھی ایک ویڈیو سوشل میڈیا پر وائرل ہوئی تھی جس میں پنجاب پولیس کی باوردی خاتون اہلکار بالی ووڈ فلم کے گانے پر رقص کر رہی تھیں۔