سیہون: وین اور ٹرک میں تصادم سے جاں بحق ایک خاندان کے 8 افراد سپردخاک
سیہون(صباح نیوز)سیہون کے قریب وین اور ٹرک میں تصادم کے نتیجے میں جاں بحق ہونے والے ایک ہی خاندان کے 8 افراد کی نماز جنازہ کے بعد تدفین کر دی گئی۔پولیس کے مطابق کراچی میں ملیر میمن گوٹھ کے رہائشی ایک ہی خاندان کے 8 افراد سیہون کے قریب وین اور ٹرک میں تصادم کے نتیجے میں جاں بحق ہوگئے ، جبکہ 2 زخمی ہوئے ، حادثے کے بعد میتیں کراچی پہنچا ئی گئیں جہاں ان کی نماز جنازہ ادا کرنے کے بعد تدفین ملیر کے قبرستان میں ہوئی۔جاں بحق ہونے والے افراد کی شناخت حنیف میمن، حاجی احمد، زبیر، عبدالغنی، دانیال، غلام حسین، عبدالحمید، مشتاق جیلانی اور حاجی عبد الکریم کے ناموں سے ہوئی۔
