لاہور(سپورٹس رپورٹر) یوم دفاع پاکستان کے سلسلے میں پنجاب سائیکلنگ ایسوسی ایشن کے زیراہتمام 20 کلومیٹر ٹائم ٹرائل روڈریس منعقد ہوئی جس میں بڑی تعداد میں سائیکلسٹسں نے حصہ لیا۔ وحید الحسن نے یہ فاصلہ 28 منٹ 56.17 سیکنڈ میں طے کر کے پہلی پوزیشن حاصل کی۔ سیف الرحمان نے 29 منٹ 07.01 سیکنڈ کے ساتھ دوسری جبکہ محمد اشفاق نے تیسری پوزیشن حاصل کی۔ ریس کا افتتاح معظم خان کلیر صدر پنجاب سائیکلنگ نے کیا جبکہ شہزادہ بٹ سیکرٹری پنجاب سائیکلنگ ایسوسی ایشن نے جیتنے والے کھلاڑیوں میں انعامات تقسیم کیے۔