لاہور(سپورٹس رپورٹر) ساف کپ میں شرکت کیلیے قومی سکواڈ بنگلہ دیش پہنچ گیا، برازیل سے تعلق رکھنے والے ہیڈ کوچ جوز انتونیو ناگورا، ٹرینر جوز پورٹیلا و دیگر معاون سٹاف کے ہمراہ لاہور سے اڑان بھرنے والے سکواڈ کے کپتان صدام حسین نے کہا کہ کھلاڑیوں کے حوصلے بلند اور ایونٹ میں شاندار کارکردگی دکھانا کیلئے پر عزم ہیں، پاکستان فٹبال کی تاریخ میں پہلی بار پلیئرز کو بہترین غیر ملکی ٹرینرز کی رہنمائی میسر آئی ہے، تربیتی کیمپ میں مسلسل محنت کے نتیجے میں کھلاڑیوں کی جسمانی اور ذہنی استعداد میں نمایاں بہتری آچکی ہے، سٹمینا بہتر ہوجانے کی وجہ سے پورے میچ میں یکساں معیار کا کھیل پیش کرنے کی صلاحیت حاصل کرچکے ہیں۔