فیروزوالا (نامہ نگار) لاہور، شیخوپورہ روڈ کی آبادی کوٹ عبدالمالک کے قریب بوائلر تیار کرنیوالی فیکٹری میں بوائلر زوردار دھماکہ سے پھٹ گیا، پانچ مزدور جھلس کر شدید زخمی ہو گئے۔ 3کی حالت تشویشناک۔ بتایا گیا ہے کہ بوائلر تیار کرنے والی فیکٹری میں مزدور کام کر رہے تھے، انتظامیہ کی غفلت کے باعث اچانک زوردار دھماکہ سے بوائلر پھٹ گیا، جس سے کام کرنے والے مزدور ظہور احمد، شفیع، وسیم اور عثمان وغیرہ بری طرح جھلس کر شدید زخمی ہو گئے جن کو فوری طور پر طبی امداد کے لئے ہسپتال داخل کرایا گیا۔