مکہ: گاڑی کو حادثہ، 3 حاجی جاںبحق، ایک زخمی، 2 کا تعلق کراچی، تیسرے کا سکھر سے ہے
جدہ (نمائندہ خصوصی+نوائے وقت رپورٹ) مدینہ منورہ سے مکہ آتے ہوئے پاکستانی حاجیوں کی گاڑی کو حادثہ پیش آ گیا، کراچی اور سکھر سے تعلق رکھنے والے 3 پاکستانی حاجی جاںبحق ہو گئے۔ ایک زخمی ہو گیا جاںبحق افراد میں محمد علی اور عمران کا تعلق کراچی اور صفوان کا سکھر سے تھا سکھر کا رہائشی سلمان مکہ میں زیر علاج ہے۔ رضوان، سلمان، یونس اور عمران مدینہ سے مکہ واپس آتے ہوئے کار حادثہ کا شکار ہو گئے تھے اورتقریباً 60 گھنٹوں سے عرصہ سے ان کا کوئی پتہ نہیں چل رہا ہے تھا. پاکستان حج والنٹیر گروپ جدہ سے پروفیسر وسیم شاہد اور. مکہ سینڑ کے انچارج ضیااللہ کی مدد اور پاکستان حج مشن کے ڈائریکٹر ڈاکٹر یوسفانی کے تعاون سے ابھی یہ افسوسناک خبر ملی کہ ان میں سے تین افراد حادثہ میں موقع پر ہی جاںبحق ہوگئے تھے جبکہ ایک زخمی سلمان مکہ کے جنرل ہسپتال الزاہر میں زیر علاج ہے۔ اس کی بہن حنا اس کے پاس ہے اور دیگر ملنے جلنے والے بھی اب دیکھ بھال کے لئے آگئے ہیں. چاروں افراد ایک پرائیویٹ گاڑی میں سفر کر رہے تھے اور پاکستانی ڈرائیور چلا رہا تھا جو یہاں کے قوانین کی سخت خلاف ورزی ہے۔
