ایشیا کپ کیلئے قومی ٹیم کی مشقیں قذافی سٹیڈیم میں شروع
لاہور ( سپورٹس رپورٹر+نمائندہ سپورٹس) ایشیاء کپ کی تیاری کے لئے پاکستان کرکٹ ٹیم کا تربیتی کیمپ قذافی سٹیڈیم میں جاری۔ایشیا کپ کیلئے قومی ٹیم کی مشقیں قذافی سٹیڈیم میں شروع ہوگئیں ہیں۔ ہیڈ کوچ مکی آرتھر کی نگرانی میں قومی ٹیم نے قذافی سٹیڈیم میں مصروف دن گزارا۔ قومی پلیئرز نے بیٹنگ، باؤلنگ اور فیلڈنگ کی پریکٹس کی جبکہ نیشنل کرکٹ اکیڈمی میں جم اور پول پریکٹس کی گئی۔ پہلے روز بائولنگ کوچ اظہرمحمود نے فاسٹ باؤلرز کے ساتھ کافی وقت گزارا جبکہ فخر زمان نے مکی آرتھر کی نگرانی میں طویل بیٹنگ سیشن کیا۔ شعیب ملک نے بھی تینوں شعبوں میں بھرپور پریکٹس کی۔
