انٹر زونل انڈر 16ون ڈے ٹورنامنٹ دوسرے راونڈ میں آج تین میچز ہونگے
لاہور( سپورٹس رپورٹر+نمائندہ سپورٹس ) لاہور ریجن کرکٹ ایسوسی ایشن کے زیر اہتمام جاری انٹر زونل انڈر 16ون ڈے کرکٹ ٹورنامنٹ کے دوسرے راونڈ کے سلسلے میں آج مزید تین میچز کھیلے جائیں گے۔ نارتھ زون بلوز اور ایسٹ زون بلوز سٹیگ کلب گراونڈ، نارتھ زون وائٹس اور ویسٹ زون بلوز کرکٹ سینٹر گراونڈ جبکہ ایسٹ زون وائٹس اور ویسٹ زون وائٹس اتفاق ایل آرسی اے گراونڈ میں مد مقابل آئیں گی خرم صدیق ، طارق سلیمان اور اکیان احمد خان کو سٹیگ گراونڈ ، رانا سہیل ، لیاقت علی اور ساجد عثمان کو کرکٹ سینٹر جبکہ فرقان بٹ ، عابد حسین اور بلال مقصود کو اتفاق ایل آرسی اے گراونڈ میں بطور میچ آفیشلز تعینات کیا گیا ہے ۔
