لاہور( سپورٹس رپورٹر+نمائندہ سپورٹس) سپورٹس بورڈپنجاب کے زیراہتمام اور پنجاب فٹ بال ایسوسی ایشن کے تعاون سے پنجاب انڈر 15بوائز فٹ بال کپ کی سیمی فائنل کی لائن اپ مکمل ، فیصل آباد، ملتان، ساہیوال اور لاہور کی ٹیمیں سیمی فائنلز میں پہنچ گئی ہیں، گزشتہ روزہونے والے میچز میں بہاولپور اور فیصل آباد ڈویژنز کی ٹیموں نے اپنے مخالف حریفوں کو شکست دیدی، پہلے میچ میں بہاولپور نے گوجرانوالہ کو 6-1سے ہرایا، بہاولپور کے محمد سفیان اور عبداللہ نے دو، دو گول کئے،مزمل اور حمزہ فاروق نے ایک ایک گول کیا، دوسرے میچ میں فیصل آباد نے سرگودھا کو 5-1سے شکست دی، فیصل آباد کے عبدالرحمٰن نے تین اور واصف نے دو گول کئے سرگودھا کی جانب سے علی افضل نے ایک گول کیا۔کھلاڑیوں نے خوبصورت کھیل کا مظاہرہ کرکے فٹ بال کے شائقین سے بھرپور داد وصول کی۔پنجاب انڈر 15بوائز فٹ بال کپ کے سیمی فائنل میں فیصل آباد، ملتان، ساہیوال اور لاہور کی ٹیمیں پہنچ گئی ہیں۔