بیجنگ (سٹاف رپورٹر+ آئی این پی) چین کے صدر شی جن پنگ نے نومنتخب پاکستانی صدر عارف علوی کے نام ایک تہنیتی پیغام بھیجتے ہوئے انہیں پاکستان کے نئے صدر منتخب ہونے پر مبارکباد دی۔ چینی صدر نے اپنے پیغام میں کہا کہ چین اور پاکستان اچھے پڑوسی، اچھے دوست اور اچھے بھائی ہیں۔ دونوں ممالک کی دوستی بین الاقوامی صورتحال کی تبدیلیوں کی آزمائشوں سے گزری ہے اور بدستور مضبوطی سے آگے بڑھ رہی ہے۔ چینی صدر نے کہا کہ انہوں نے 2015 میں پاکستان کا دورہ کیا تھا اوراس موقع پر دونوں ممالک نے دوطرفہ تعلقات کو چاروں موسموں کے اسٹیٹجک تعاون کے شراکت دارانہ تعلقات تک بڑھانے کا فیصلہ کیاتھا۔ شی جن پھنگ نے کہا کہ حالیہ برسوں میں دونوں فریقین کی مشترکہ کوششوں کے تحت دونوں ممالک کا سیاسی باہمی اعتماد مزید مضبوط ہو رہا ہے اورچین پاک اقتصادی راہداری کی تعمیر کے نمایاں ثمرات حاصل ہوئے ہیں جس سے نہ صرف دونوں ممالک اور عام کو خوشحالی ملی ہے بلکہ علاقائی امن و ترقی کے لیے بھی مثبت کردار ادا کیا گیا ہے۔ شی جن پھنگ نے نشاندہی کی کہ موجودہ صورتحال میں چین- پاک تعلقات کی سٹریٹجک اہمیت مزید نمایاں ہوگئی ہے اور دونوں ممالک کو ایک دوسرے کی مزید مضبوط طور پر حمایت کرنی چاہئے اور مزید گہرائی کے ساتھ تعاون کرنا چاہئے۔ چینی صدر نے کہا کہ وہ چین- پاک تعلقات کی ترقی کو بڑی اہمیت دیتے ہیں اور پاکستانی صدر کے ساتھ ملکر چین اور پاکستان کے مابین چاروں موسموں کے سٹریٹجک تعاون کے شراکت دارانہ تعلقات کو نئی بلندی تک پہنچانے کے خواہاں ہیں تاکہ مزید قریبی چین پاک ہم نصیب معاشرے کی تشکیل دی جا سکے۔امیر قطر شیخ تمیم بن حماد الثانی نے عارف علوی کو صدر پاکستان منتخب ہونے پر مبارکباد کا پیغام بھیجا ہے جس میں امید کا اظہار کیا گیا ہے کہ ان کے دور صدارت میں دونوں ممالک کے تعلقات میں مزید ترقی اور پیشرفت ہوگی۔ یہاں قطر کے سفارتخانے کی طرف سے بدھ کو جاری بیان میں کہا گیا ہے کہ اپنے تہنیتی پیغام میں امیر قطر نے نومنتخب صدر پاکستان کے لئے نیک خواہشات کا اظہار بھی کیا ہے۔