چار ملکی ہاکی ٹورنامنٹ کی تیاری ‘27 کھلاڑ ی تربیتی کیمپ طلب
لاہور(سپورٹس رپورٹر+نمائندہ سپورٹس) لاہور میں ہونے والے چار ملکی انٹرنیشنل ہاکی ٹورنامنٹ کی تیاری کے لیے قومی جونیئر ٹیم کے ممکنہ 27 کھلاڑیوں کو تربیتی کیمپ میں بلا لیا گیا ہے۔ اعلان کردہ کھلاڑیوں کو ہدایت کی گئی ہے کہ کھلاڑی 8 ستمبر کو پاکستان سپورٹس کمپلیکس اسلام آباد میں کیمپ کمانڈنٹ اولمپیئن قمر ابراہیم کو رپورٹ کرینگے۔ اعلان کردہ کھلاڑیوں میں وقار یونس، رضوان علی، ریحان بٹ، معین شکیل، عدیل لطیف، جنید منظور، شاہ زیب خان، غضنفر علی، افراز حکیم، عمیر ستار، نوید عالم، عادل راو، امجد علی، اویس ارشد، رانا وحید، احمد ندیم، محمد ابراہیم، وقار علی، ذاکر اﷲ، محمد الیاس، علی عزیز، رومان خان، اکمل حسین، خیر اﷲ، علی رضا، آصف حنیف اور حماد انجم شامل ہیں۔
