قصور/ شیخوپورہ/ پیرمحل/ ساہیوال/ بوریوالا (نمائندگان) مختلف واقعات میں 4 خواتین سمیت 7افراد نے خودکشی کر لی۔ قصور کے نواحی علاقہ عشری سنگھ والا میں 16 سالہ عدیل کو اسکے باپ نے کھیتوں کو پانی نہ لگانے پر ڈانٹا تو اس نے خود کو گولی مار کر زندگی ختم کرلی جبکہ ملکاں والی کی شادی شدہ خاتون روبینہ کوثر نے خاوند سے جھگڑے پر دلبرداشتہ ہو کر پھندا لیکر خودکشی کرلی۔ شیخوپورہ کے علاقہ جتوگالہ میں نوجوان امانت علی نے حالات سے دلبرداشتہ ہو کر گندم میں رکھنے والی گولیاں نگل لیں۔ پیرمحل میں قمر نے مبینہ طور پر گھریلو جھگڑے سے دلبرداشتہ ہو کر زہریلی گولیاں کھالیں، ساہیوال میں 20سالہ بیٹی بشریٰ اور 24 بیٹی آمنہ جبکہ بوریوالا میں بشیراں نے زہر پی لیا۔