لاہور+اسلام آباد(نمائندہ سپورٹس+سپورٹس رپورٹر) جوبلی انشورنس تیسری رینکنگ سنوکر چیمپئن شپ میں محمد آصف ٹوبہ، شرجیل محمود، محمد آصف اور بابر مسیح سیمی فائنل میں پہنچ گئے۔ کوارٹر فائنلز میں محمدآصف نے ذوالفقار عبدالقادر کو 5-2 فریمز سے ہرا یا، محمد آصف ٹوبہ نے شاہد آفتاب کو 5-1 فریمز سے شکست دی، شرجیل محمود نے رمبیل گل کو 5-4 فریمز سے زیر کیا، بابر مسیح نے حارث طاہر کو5-4 فریمز سے ہرایا۔سیمی فائنلز آج کھیلے جائیں گے جو کہ بیسٹ آف الیون فریمز پر مشتمل ہوں گے۔ محمد آصف ٹوبہ کا مقابلہ شرجیل محمود اور محمد آصف کا مقابلہ بابر مسیح سے ہو گا۔